Este sitio Web utiliza cookies propias y de terceros con objeto de mejorar la experiencia de navegación. Si continúa navegando estará aceptando de forma expresa el uso de estas cookies. Puede obtener más información en nuestra página Uso de Cookies

 

I+G+B

SHUTONen I+G+Bren departamentuan, makina erremintan esperientzia handia duten ingeniariak aritzen dira. Ingeniariek etengabe aztertzen dute nola hobetu boladun torlojua, birzirkulazio sistema, profil, tratamendu termiko eta material berriak garatuz, eta boladun torlojuen kalitatea eta entrega epea hobetzeko produkzio eta kontrol metodo berriak bilatuz.

Horretarako, gure zentro teknologikoa dugu, parea, zurruntasuna eta tenperatura neurtzeko ekipamenduarekin, baldintza estatikoan zein abiadura eta azelerazio handietan.

Gure ingeniaritza departamentuan CAD-CAM diseinu eta fabrikazio programarik onenak ditugu, erantzun azkarra eta eraginkorra emateko.

Etengabeko berrikuntzaren bidez, merkatuko askotariko premiei erantzuteko ingeniaritza soluzioak garatzen dira.

SHUTON COMPLEX

Zurruntasun efizientea, produktiboki zorrotzenak diren sektoreetan, hala nola, automozioan eta aeronautikan, mekanizazio denborak hobetzera zuzendua.

SHUTON HDL

Dinamika handia eta karga handiak, plastiko injekzioko aplikazioetarako, prentsetarako eta eskaera maila handiko beste aplikazioetarako.

SHUTON i +

Muturreko aplikazioetarako soluzioak, COMPLEX eta HDL erreferentzien diseinuak muturrera eramanez sortuak. Emaitza eraginkorrak dituzte izugarri gogorrak diren aplikazioetan.

SHUTON PRIME

Barne birzirkulazioko torlojuen berringeniaritza, abiadura txikiko erabileretan posizionamendu optimizatua eta mugimendu leuna lortzeko.

SOLUZIO PERTSONALIZATUAK

Besteak beste, sarrera bikoitzeko torlojuak, hozte sistemadun azkoinak, hirugarren efektuko garbitzaileak, azkoin birakariko sistemak eta azkoin bereziak.

iBallscrew

iBallscrew torloju adimenduna nabarmendu behar dugu. 4.0 monitorizazioa torlojuaren erabilera egokia eragotziko luketen lubrifikazio ezari, bibrazioei eta tenperatura igoerari aurre egiteko aukera ematen duen proiektu bat da.

ELKARLANA IKERKETA ZENTROEKIN

SHUTONek harreman estua du ikerketan aitzindariak diren zentroekin: TEKNIKER FUNDAZIOA, TECNALIA, IKERLAN eta Mondragon Unibertsitatea. Teknologia hobetzeko proiektuak etengabe garatzen dira, hala nola lubrifikazioari, soinuari, kontrolaren erantzunari eta dinamika handiari buruzko ikerketak eta saiakuntzak.

TORLOJUAREN ON LINE KALKULUA

SHUTONen Ingeniaritza Zerbitzuak aholkularitza zerbitzu integralak jartzen ditu bezeroen eskura, erabilera bakoitzerako torloju eta erabilera modu egokienak aukeratu ditzaten. Shutonek soluzio guztiak aztertu, eta sor daitezkeen garapen berrien premiak hautematen ditu. Laster, torlojuaren on line kalkulu sinplifikatua jarriko dugu zuen eskura.

LASTER