Dinamika altuko SHUTON COMPLEX
SHUTON boladun ardatzen diseinu berriek aukera eman dute karga dinamikoa eta estatikoa handitzeko, bai eta zurruntasun dinamikoa ere, marruskadura baxuagoarekin. Horrek, halaber, aurrekarga-momentua eta sortutako tenperatura hobetzeko aukera ematen du.
Azkoin bikoitza zirrindola batez banatutako bi piezaz osatuta dago. Zirrindola horren lodierak zehazten du aurrekarga-indarra. SHUTONen bi pieza horiek ahokatu egiten dira, gerta litezkeen desplazamendu erradialak saihesteko asmoz eta, hartara, lerrokatzea zein zentrokidetasuna hobetzeko.
Dinamika altuko ardatzek ez dute DN mugarik, betiere lerrokatze-, muntaketa- eta lubrifikazio-baldintza jakin batzuk betetzen badituzte.
Tenperatura hobetzean, boladun ardatzen biraketa-abiadura igo egin daiteke, gehiegi berotzeko arriskurik gabe. Zurruntasuna areagotzeari esker, akzionatzea gertatzen da eta, ondorioz, maiztasun natural handiagoa du makinak; horrenbestez, serbomotorraren Kv, Kp eta Ki kontrol-parametroak hobetu, eta makinaren azelerazioa eta dinamika hobetu egiten dira.
TD: altzairuzko bolarekin
Taula honetan, SHUTON COMPLEX Dinamika altuko altzairuzko boladun ardatzen fabrikazio estandarreko gama ikus daiteke, diametro izendatuaren eta neurriaren arabera egindako zirkuitu-kopuru maximoarekin:
 |
10 | 12 | 15 | 16 | 20 | 25 | 30 | 40 | 50 |
| 25 | 2 (2) | ||||||||
| 32 | 3 (2) | 2 (2) | |||||||
| 40 | 5 (2) | 5 (2) | 5 (2) | 5 (2) | 4 (2) | 3 (2) | 3 (2) | 2 (2) | |
| 50 | 6 (2) | 5 (2) | 5 (2) | 5 (2) | 5 (2) | 4 (2) | 3 (2) | 3 (2) | 2 (2) |
| 63 | 6 (2) | 6 (2) | 6 (2) | 6 (2) | 6 (2) | 5 (2) | 4 (2) | 3 (2) | 3 (2) |
| 80 | 6 (2) | 6 (2) | 6 (2) | 6 (2) | 6 (2) | 6 (2) | 5 (2) | 4 (2) | 3 (2) |
| 100 | 6 (2) | 6 (2) | 6 (2) | 6 (2) | 6 (2) | 6 (2) | 5 (2) | 4 (2) | 3 (2) |
| 120 | 6 (2) | 6 (2) | 5 (2) | 4 (2) | 3 (2) |
Adibide jakin baten neurriak, kargak eta zurruntasunak ikusi nahi izanez gero, Kargen eta neurrien taulako katalogoa deskarga dezakezu, edo Katalogo birtualera sar zaitezke.
TDCer: zeramikazko bolarekin
Halaber, posible da zeramikazko bolak erabiltzea, azkoinak neurri berberak dituela.
Zeramikazko boladun ardatzen abantailak
- Karga dinamikoa %25 eta %30 artean handitzen du. Ondorioz, boladun ardatzaren nekearekiko bizitza bikoiztu egiten da.
- Ardatz-zurruntasuna %10 eta %15 artean handitzen da. Gehikuntza handiagoa lor daiteke aurrekarga igoz gero, baina kasu horretan nekearekiko bizitza ez da hainbeste luzatzen.
- Zeramikaren ezaugarriei esker, azkoinaren tenperatura 5 eta 10ºC artean murrizten da.
- Tenperatura jaistean, boladun ardatzen biraketa-abiadura igo egin daiteke, gehiegi berotzeko arriskurik gabe.
- Bolen higadura dezente txikiagoa da eta, ondorioz, baita denboran zehar gertatzen den aurrekargaren galera ere. Horrela, mantentze-tartea handitzen da.
- Bolek birzirkulazio-sistemetatik pasatzean sortzen duten zarata gutxitu egiten da.
Zeramikazko boladun ardatzen desabantailak
- Kontu handiz ibili behar da kolpeekin; izan ere, zeramikazko bolak hautsi egin daitezke, eta boladun ardatza larriki kaltetu dezakete.
- Zeramikazko bolen prezioa dezente altuagoa da altzairuzko bolena baino.
