Doitasun-boladun ardatzak
Munduko liderrak
doitasun handiko boladun ardatzen
garapen, fabrikazio eta merkaturatzean
Laguntza teknikoa
SHUTONek laguntza teknikoa eskaintzen die bezeroei, boladun ardatzen bidezko eragingailuen diseinua optimizatzeko.
SHUTONek kalkulu-programa oso bat du; horren bidez eta bezeroek betetako galdeketa teknikoetan jasotako informaziori esker, azterketa tekniko pertsonalizatuak eginez aholkatzen dugu.
| Galdeketa teknikoa | Programa informatikoa | Ikerketaren txostena |
Bi aukera daude:
- Boladun ardatz jakin batek errodamenduekin, motorrarekin eta transmisio-sistemarekin eskaintzen dituen prestazioak kalkulatzea.
- Desiratutako abiadura, azelerazio, zurruntasun eta nekearekiko bizitza lortzeko eragingailu onena zein den kalkulatzea (boladun ardatza, motorra, transmisio-sistema…).
Zerbitzu horrek aukera ematen du makinaren diseinuaren fasean zenbait eragingailu alderatzeko; horrela, makinaren jokabide dinamikoa eragingailuaren zer elementuk mugatzen duen identifika daiteke (boladun ardatzak, motorrak, errodamenduak, poleek...).
Kalkuluaren alderdi berritzaile eta garrantzitsuenetako bat da motorraren kontrolaren balio hurbildua lor daitekeela, hau da, kontrol-bigizta itxien kv posizioaren eta kp abiaduraren irabaziak. Balio horiek oso garrantzitsuak dira makinaren dinamikaren gutxi gorabeherakoa izateko.
Azken urteetan bezero askok SHUTON hautatu dute kasu bakoitzarentzat egokiena den boladun ardatza aukeratzeko. Ondorioz, esperientzia zabala eskuratu dugu, eta esperientzia horrek makina-erreminta baten ardatzen eragingailuak diseinatzean sor daitezkeen ezusteko posibleak gainditzen lagundu diezaguke.
Garrantzitsua da jakitea zein den elementu malguena (‘ahulena’), diseinatzerakoan ahal den guztia egin baitaiteke ahulena den elementu hori hobetzeko, beharrik ez duten gainerako elementuak hobetzen ahaleginik egin gabe.
Gaiari buruz informazio gehiago jasotzeko, jarri harremanetan gure merkataritza-agenteren batekin edo SHUTONeko ingeniaritza-sailarekin.
